Pinky Sana uvuga ko agomba kuzaba icyamamare, arasaba abakunzi b'umuziki kumushyigikira bakora 'subscribe' ku rukuta rwe rwa YouTube rwitwa 'Pinky Sana' bakanamukurikida ku rukuta rwe rwa Instagram aho yitwa Pinky Sana.
Uyu muhanzikazikazi w'uburanga n'ubuhanga yatangiye umuziki mu mwaka wa 2020. Yatangiriye ku ndirimbo yandikiwe n'umuhanzi waririmbye 'Cana radio' witwa Ganza. Icyo gihe ni bwo yatangiye kumenya uko umuziki ukorwa anabona imvune iba mu gukora umuziki kuva muri 'recording room' kugeza igeze hanze.
Uyu mukobwa ukiri muto agaragaza ko yubaha umuziki n'abawukora nawe akaba aje gufatanya nabo. Mu magambo ye agaragaza Butera Knowless yamenye kuva mu mwaka wa 2012 nk'udasanzwe, agira ati "Menya Knowless Butera nari nkiri muto ariko nakunze uko akora umuziki n'uburyo awubamo."
Abajijwe ku ndirimbo yakoze yitwa 'Ntakinya' yavuzemo amagambo ataravuzweho rumwe n'abayumvise, yagize ati "Batubaga Ntakinya". Ati "Abahungu b'ubu bakina n'amarangamutima yacu dore ko ntawugikunda umukobwa umwe ubundi bakadusiga."
REBA HANO IKIGANIRO TWAGIRANYE NA PINK SANA
Yagarutse ku buryo umuziki we yawutangiye mu buryo busa n'urugamba kuko bamwe batarumva uburyo umukobwa akora umuziki. Asezeranya abakunzi be kuzakora ibikorwa byiza kugeza ku ndunduro.
Yongeye no kugaruka ku ndirimbo ye 'Ndarira' imaze iminsi ica ibintu aho ababwira umukunzi we wamusize ati "Nubwo wandijije ugarutse naguha." Pinky Sana akaba yashimye bidasubirwaho uwakoze ku mushinga w'indirimbo ye irihanze 'Niwe'. Amajwi yayo yatunganyijwe Fayzo big pro naho amashusho akorwa na Lion Face. Yongera no gushima abasore n'abakobwa bamufashije mu mashusho yayo.
Hosted by Abitije Seraphin Elise
Written by Abitije Seraphin Elise
Video By Patrick Promoter
Eng
RSS 
TANGA IGITECYEREZO